السّلام عليكم ورحمة الله وبركاته
يا أهلاً وحبًا ()
ونبدأ أُولى التدوينات بسؤال، كيف أخطط لإنجازاتي؟
سؤال سهل وبإذن الله إجابته أسهل !
بدايةً بأسولف لكم عن استراتيجياتي المتبعة في تخطيطي لإنجازاتي :)
قبل فترة ليست ببعيدة كنت أمشي مثل ما يُقال -على البركة- في خططي، شلون؟
يكون ببالي إنجازات ومهام لكن أبدًا ما أوثقها، ومتى ما جاء وقت فراغ بيومي أنجزتها، وهكذا بالنسبة لمهامي الدراسية أو الجامعيّة..
بعض المهام كانت تسقط سهوًا، ويخلص اليوم وما أنجزتها :)
وبعضها أتذكرها بآخر اليوم وأتأزم لضيق الوقت !
كنت أهتم بموضوع التخطيط مرّة وأحسه موضوع يشوّق، لكن للأسف ما كنت أطبق!
وأحيانًا استخدم الستيكر العادي لكتابة ملاحظاتي وأهم الأشياء اللي مفروض أنجزها، لكن كنت أتشتت من كثرتها..كل مهمة لها ستيكر !
إلى أن جاء اليوم وزرت فيه أحد المتاجر وشفت من المعروضات نوتة صغيرة ومغرية جدًا من منتجات قراطيس..وكانت معنونة بـ( رحلة النجاح تبدأ بخطة )!
أتوقع السبب الأكبر لشرائي لها العنوان :)
استفدت منها جدًا جدًا بكتابة مهامي، ومع هذه النوتة كانت أول تجربة لي في التخطيط الفعلي !
ومع كثرة الممارسة، اكتسبت هذي العادة ()
كنت أرتب المهام فيها، وكلما أنجزت مهمة شطبت عليها، لذيذ هالشعور !
بعد فترة اكتشفت أنه ما بقى إلا ورقتين منها :)
ففكرت ببديل يفيدني في كتابة إنجازاتي + يكون عند عيني بالمكان اللي أجلس فيه " مكتبي " + ما يستهلك ورق !
فجاءت ببالي فكرة برواز المهام !
وش برواز المهام؟
فكرته بسيطة جدًا، ومفيدة !
احتجت فيه برواز صغير + ورقة بتصميم ToDo list بحجم البرواز ( هُنا تصميمان للتحميل عربي | إنجليزي ) /أو أي تصميم تفضلونه + قلم سبورة..
والنتيجة:
فكرة سهلة وفعالة !
أكتب المهام اللي بأنجزها على البرواز بقلم السبورة، وكل ما خلصت مهمة مسحتها :)
وكنت اتبع هذه الخطوات في كل مهمة:
- ما استصغر أي مهمة في يومي، كل شيء يُكتب!
- أضع هذه القائمة قدام عيني، حتى أنجزها بأسرع وقت..
- ابدأ بالأصعب ثم الأسهل..
- المكافئة بعد الإنجاز، وما أدراكم ما المكافئة :)
- وأهم خطوة: " إذا هبت رياحك فاغتنمها، فعقب كلّ خافقةٍ سكون "، انجز بأي وقت يسمح لي بالإنجاز وأخلي هذه القائمة من الأولويات.
*
حتى ما نحد موضوع التخطيط بالمكتب والورق بس، ممكن نستفيد من بعض التطبيقات على الجوال في الإنجاز أيضًا !
التطبيق اللي استخدمه غالبًا والموجود بكل جهاز ( آيفون ) اللي هو الملاحظات..
بالتحديث الأخير لإصدار الآيفون صرنا نقدر نسوي قائمة ( ToDo list ) بالملاحظات..
كيف نُنشئ القائمة؟
يسار الشاشة ( عربي ) / يمينها ( إنجليزي ) موجود علامة ( + )
نضغطها وتطلع لنا عدّة خيارات نختار منها خيار اللي بعلامة ( صح )، واستمتعوا بأسرع قائمة :)
نقطة أخيرة:
قبل فترة قريبة حضرت الملتقى السنوي ( خطط )، وهو مبادرة من مركز الملك سلمان للشباب، كانت تجربة جميلة..ومن ألطف الأشياء اللي استمعت بها التوزيعات الورقيّة الأنيقة اللي أتحفونا بها خلال الملتقى..واللي أبهجني أكثر أن بعضها موجود على موقعهم وبإمكان أي شخص تحميلها والاستفادة منها : من هنا
وأخيرًا..تمنياتي لكم بأيام مليئة بالإنجازات والعطاءات :)
